Ir al cuntegn
Play RTR
  • Emissiuns
  • Live
  • Program TV

Emissiuns

  • A-Z
  • News
  • Films & Docus
  • Musica
  • Divertiment
  • Uffants
  • Sport
  • Archiv

Uffants

Minisguard
Mes sentiments
Si surchombras
Famiglia Babulin
Giat Miro
La mieur per rumantsch
Super Bio Hero
Helveticus
Piotta la Marmotta
Gôt Miraculous
Animalopus
Tumasch
Tge stgazis datti sut terra?
12 min
Minisguard

Tge stgazis datti sut terra?

Ti has segir era gia admirà ils stgazis ch’ins vesa sur terra: guauds, flums u auts pizs. Ma has ti savì che la natira zuppa era stgazis profund sut terra? En questa emissiun visita il moderatur Marcus las veglias minieras dal Mot Madlain en la Val S-charl. Là scuvra el in mund stgir e misterius e va a la tschertga da minerals prezius sco argient, plum e zinc. Sin sia aventura n’emprenda el dentant betg mo, nua ch’ils stgazis sa zuppan, mabain era pertge che nagin n’als tschertga pli oz en las minieras da S-Charl.
Co trenescha in chaun da polizia?
12 min
Minisguard

Co trenescha in chaun da polizia?

Selina e ses chaun Cara – in team che passenta mintga minuta ensemen, e quai betg mo en il temp liber. Cara è numnadamain in chaun da polizia cun in dun spezial: Ella ha in fin nas e tschertga cun quel drogas. Sco chaun da polizia chatta ella ensemen cun Selina ils megliers zups. Il «Minisguard» ha accumpagnà in trenament en il teater da la citad da Cuira e guardà quant bain che Cara po savurar.
Co sa prepar’ins per ir a chatscha?
12 min
Minisguard

Co sa prepar’ins per ir a chatscha?

Co sa prepar’ins per ir a chatscha? Per chattar ora quai, ha Gian Carlo visità Niculin e ses frar Valerio che èn aintamez las preparativas da chatscha. Onn per onn van els a chatscha cun lur bab Linard. Oravant tut Niculin, po betg spetgar. Ma era ses frar pli giuven Valerio è fieu e flomma per la chatscha. El sa legra oravant tut sin la vita en tegia e guarda che tut è pront la cura chi va liber. Ma avant che els sa mettan sin via encunter l’alp Giratschouls, èsi da pachetar e controllar l’equipamaint e da far pront ina buna marenda.
Co fan ins glatsch?
12 min
Minisguard

Co fan ins glatsch?

Mangiar in bun glatsch – la stad da chaliras èsi insatge dal pli bel ch’i dat. La dumonda è be tgenin tranter tut quellas milli furmas, gusts e variaziuns. E t’imaginescha – anc pli bel che mangiar be in glatsch, fiss sche ti pudessas far mintgadi glatsch da tuttas sorts. Silvana Desax fa gia blers onns sezza glatsch ed ha mussà ad Anna tge ch’i dovra tut e co ch’i funcziuna da far in bun glatsch. Tgi ha inventà il glatsch da mangiar? Quest’istorgia cumenza gia avant ca. 5’000 onns. Lura gievan ins en la China en ils culms per ramassar naiv e glatsch, tranter auter per sfradentar bavrondas per la stad. Er ils imperaturs romans laschavan transportar giu da las muntognas naiv e glatsch per lura far desserts p. ex. cun mel u fritgs. Ditg muntava quai blera lavur ed era insatge be per glieud bainstanta. Pir grazia ad in tric e l’invenziun da la frestgera hai lura pass per pass dà ils glatschs da mangiar sco nus als enconuschain oz.
Co pon ins tegnair frestg mangiativas?
10 min
Minisguard

Co pon ins tegnair frestg mangiativas?

Élin ha ina massa frajas frestgas da ses iert. Ma bler memia bleras per mangiar avant ch'ellas smarscheschian. Perquai sa dumonda Élin, co ch'ella po tegnair il meglier frestg las frajas: en frestgera, schelentera u datti perfin anc in’autra pussaivladad? Per chattar ora quai visita ella Ana ch’è experta da magasinar mangiativas tar Valentin Gastro, la cuschiniera Elisa dal Hotel Maistra ed il tecnicist da frestgeras da Brasser, Silvano. Vitiers sclerescha il «Minisguard» era, co ch'ina frestgera funcziuna atgnamain.
Auto, tren, bastiment ed aviun? Co funcziunan quels insumma?
9 min
Minisguard

Auto, tren, bastiment ed aviun? Co funcziunan quels insumma?

Avant che il Minisguard va en vacanzas da stad datti anc ina pitschna ediziun da bonus! Co funcziuna in auto? Co va in tren? Pertge noda ina bartga? E co po in aviun sgular? En nossa ultima episoda avant las vacanzas da stad declerain nus simpel e chapibel co ils meds da transport funcziunan, che portan tai en tia destinaziun da vacanzas.
Co bajegian ins sendas da viandar?
12 min
Minisguard

Co bajegian ins sendas da viandar?

Il Grischun è in paradis per ir a viandar. Qua datti sendas per mintgina e mintgin. Sendas stretgas e pretensiusas alpinas u da quellas pli ladas per in’excursiun da famiglia patgifica. Ma tut quellas sendas n’èn betg simplamain qua – quellas ston ins bajegiar e tgirar. Sin il pass Alpsu è la senda che maina al Lai da Tuma gist vegnida serrada pervia dal privel da crudada da crappa. Perquai stoi ussa dar ina nova. Ciril Spescha e ses team mussan a nossa moderatura Élin co ch’els bajegian ina nova senda e co che quai funcziuna davent da la planisaziun fin a la lavur cun exchavatur, zappun e palas – e quai da tutt’aura.
Tge è ina democrazia?
12 min
Minisguard

Tge è ina democrazia?

Il pled «democrazia» has ti segir er gia udì, quai en connex cun la politica e la Svizra. Ma tge munta quest pled propi? In pled ch'exista er en 5avla e 6avla classa da la scola bilingua a Cuira. Els ed ellas han numnadamain gì da far decisiuns impurtantas: cura duai la scola pomai cumenzar? Per chattar ina soluziun ha la classa visità il Cussegl grond. Là han els debattà e discutà ed uschia emprendì ina massa davart nossa democrazia.
Tge è karate?
11 min
Minisguard

Tge è karate?

In lader engola il dultschergnim da Marcus. El n’ha nagina schanza. Tge cletg che Valentina e Vanessa èn gist da viadi per lur trenament da karate. Ellas vegnan da spendrar Marcus, ed era ses ursets da gumma. Per Marcus è quai la chaschun perfetga d’emprender era sez in pèr katas – en il dojo dal «Gojukai Karate Do Grischun» a Schluein. Tuna curius? Nagin problem – er ils pleds giapunais ils pli impurtants dal karate declerain nus en il pli nov «Minisguard».
Co vegnan bustabs e maletgs sin palpiri?
12 min
Minisguard

Co vegnan bustabs e maletgs sin palpiri?

Smatgar sin in buttun e ti pos far millis e millis da copias. Quai che para oz fitg simpel era pli baud ina gronda lavur. Il «Minisguard» ha vulì savair co che squitschs vegnivan fatgs pli baud. E co funcziuna quai oz cun la tecnica moderna. Perquai avain nus visità la stamparia a Haldenstein che stampa anc a moda veglia. Là ha nossa moderatura emprendì, pertge ch’il squitsch da cudeschs è stà usche revoluziunar ed ha guardà tge che la litografia è propi. A Glion en ina stampa moderna vesain nus lura la tecnica da stampa d’offset. Uschia èsi pussaivel da stampar oz millis e millis copias en curt temp.

Tocs explicativs

Tgi ha inventà il glatsch da mangiar?
Minisguard​

Tgi ha inventà il glatsch da mangiar?

2 min
Tge informaziuns hai tut sin in mussavia?
Minisguard​

Tge informaziuns hai tut sin in mussavia?

2 min
Co funcziunescha in schluppet?
Minisguard​

Co funcziunescha in schluppet?

3 min
Las parts dal schluppet
Minisguard​

Las parts dal schluppet

31 s
Pertge datti vita be sin terra?
Minisguard​

Pertge datti vita be sin terra?

1 min
Tge èn stailas crudantas?
Minisguard​

Tge èn stailas crudantas?

43 s
Pertge datti ruina?
Minisguard​

Pertge datti ruina?

1 min
Tge è la differenza tranter fier ed atschal?
Minisguard​

Tge è la differenza tranter fier ed atschal?

1 min
Danunder vegn la jeans?
Minisguard​

Danunder vegn la jeans?

2 min
Co gida in medicament en il corp?
Minisguard​

Co gida in medicament en il corp?

2 min

5 sgnoccas en 1 minuta

Gieus da pleds, pointas nunspetgadas, tgutg spruhs ubain simplamain umor d’uffants. Ils uffants da la 5avla e 6avla classa da la scola Sumvitg-Trun raquintan lur sgnoccas preferidas. Mintgamai tschintg sgnoccas en ina minuta.

 

Mes sentiments

Si surchombras
Si surchombras
«Piff, paff, puff… si surchombras dai dal tut». Ve era ti cun nus si surchombras – qua datti ina massa da scuvrir e da rir. Ensemen cun Flavia Walder pos ti chantar las pli differentas chanzuns, sautar e tschertgar stgazis. Co fissi cun in rap da lavar dents ubain ina chanzun da tschaiver?

Experiments da fisica

Animalopus

Animalopus cumbinescha in moda spiertusa e divertenta animals e mastergns.

Chaussas da pli baud

San ils uffants d'ozendi tge che quai è?

Helveticus

Pertge ha Johanna Spyri scrit l'istorgia sur da la Heidi? E tgi ha insumma inventà la tiba? Helveticus declera.

Famiglia Babulin

Amez la val, amez il vitg, amez in curtin è ina chasa violetta. Ella ha ina lautga in pau torta ed in chamin. Ed exact en questa chasa abitescha la famiglia Babulin. Il bab Arno, la mamma Claudia, ils dus uffants Nic e Luisa, il chaun Lupo ed il giat Brutus.

Giat Miro

Miro, Bea, Kroki, Lele, Riki e Dino termaglian ensemen. El baghegian instruments, fan musica e visitan per exempel il zoo.

Gôt Miraculous

Molly Monster

Paulina

Sche cunter tschajera, vent, plievgia u naiv - Paulina sin il culm sa en ina moda u l'autra adina sa gidar.

Tumasch

Tumasch e ses amis
ConfiguraziunsAgidContact e propostaPodcastServetschs Dretgs
SRG SSRRTR Radiotelevisiun Svizra Rumantscha, succursala da la Societad svizra da radio e televisiun
SRFRSIRTSSWIPlay Suisse