Ir al cuntegn
Play RTR
Pagina iniziala
Divertiment

Battas?!

Igls onns novanta èn enavos. La moda, la musica, la cultura – ed gea, era la televisiun. En noss nov format da gieus, “Battas RTR?!” emprova in team da giasts, da batter Elias Tsoutsaios e Marcus Petendi – team RTR. Ils u las victuras spetga in premi da enfin 400 francs. Ed ussa tge pensas? Battas RTR?!

Stafla 2

Per l’ultima episoda da la stafla 2 han las soras Anna e Nina Tuor da Mustér tratg en ils overal da cumbat. En chasa RTR ha spetgà in’episoda che pretendeva mauns fins, uras internas e savida geografica. Tut quai han las soras Tuor, cul num raffinà «Tower Puff Girls», era purtà e procurà uschè per in cumbat dir. In cumbat ch’è dentant tuttina betg i or sco giavischà. «Per tge team?», dumandais vus. «Guardai l’episoda!», respundain nus.
11 min
Dus students da la SAS Grischun èn persvas, ch’els èn ils dretgs candidats per batter Marcus ed Elias dal team RTR. Maurin Tomaschett e Ville Lindskog han ils dus umens giuvens num, che portan presumà talent, spiert giuvenil ed agilitad. Per cletg, tuts trais vegnan els numnadamain era a duvrar per ils gieus sin la plazza da sport a l’Obere Au a Cuira.
9 min
Els han probabel fatg il pli lung viadi per cumbatter tar «Battas RTR?!». Selina & Linard èn in pèr engiadinais, che abitescha a Berna. Talents tenor formular d’annunzia: sport e cuschinar. E quels talents hani era stuì mussar per avair ina schanza cunter Marcus ed Elias. In’episoda tranter lavurs da pastizier, ina lieunga trenada e nas fins, tgi vegn la fin decidida en in singul mument flaivel.
13 min
«Jauer Power» è la devisa ed il num dal team da Jon Corsin Neuhäusler e Moreno Tschenett. «Duoi frars» da la Val, che vulan, sco els din, far losch lur mamma. Sche quai gartegia sin il Laj da Segl e quai encunter il team RTR? Be il cucu sa la resposta (+ mintgina e mintgin, che mira questa episoda). Smatga sin «play» e metta si las chommas!
7 min
Els èn parasguladers engiadinais, els han l’orma calma ed els han, cumpareglià cun Marcus ed Elias anc pulmuns frestgs: Il team «Boiers», Andri Taisch e Matias Marugg. Tut ils segns inditgeschan en sasez per ina victoria dals giasts, Marcus ed Elias èn dentant buns per ina surpresa. Schi dat quella a Segl, tranter Marshmallows, balluns da helium e dronas chattais or cun smatgar sin play!
13 min
Per l’emprima giada datti in’episoda d’uffants. Ils fragliuns Tenner da Mustér, quai èn Patricia (12) e Travis (10) èn dus chaus pli pitschens che Marcus ed Elias, ma co i para duas giadas pli motivads per la victoria. Patricia è gimnasta passiunada e Travis ha in 6 in matematica. Per batter Team RTR segir dapli co avunda, u betg? Il num «Team Megliers» empermetta almain tant.
13 min
Quai che capita en questa episoda pon ins magari far be cun persunas, ch’èn dachasa en la natira. Giulian Mirer da Rabius e Pablo Schmed da Trun èn quellas persunas e furman ensemen il team «Psychonauts Sursilvans». Dus spierts libers, che na n’han betg temma da sfundrar en la proxima aventura. Ils subjects vatga, buatscha e latg fruntan sin ils verbs sfundrar, identifitgar e gustar. Che subject che va ensemen cun tge verb stuais vus chattar or.
14 min
L’in e quasi il Bob Dylan rumantsch, enconuschent per ses imni rumantsch «Tschêl Blov»: Gianni Tschenett da Schlarigna. L’auter è Marino Barracchi, bun ami e cumpatriot da Gianni e student d’economia. Intelligenza e creativitad, ch’els portan èn atgnamain bunas premissas per fruntar sin Team RTR. Ma po il tschel propi splendurar «blov» per ils Schlarignots u datti la plievgia da terrada? Spoiler: L’aura n’è betg buna!
12 min
In da Sent ed in da Ramosch fa dus da team «Sentosch». Luca Nogler, scolast da gimnastica e Marino Scandella, dissegnader da construcziun auta en vegnids per restar, u per gudagnar. Quasi cun avantag dachasa e cun statura, che fa anguscha fruntan els en la sala da gimnastica a Glion sin il team bunamain imbattibel da RTR. Dentant, tuttina quant ladas che las spatlas, la fin po be ina squadra gudagnar!
14 min
Per «Too Hot To Handle» n’hai betg bastà, uss èn ellas tar «Battas RTR?!». Eva Gaudenz, oriunda da Fuldera e Valeria Cavelti, oriunda da Trun èn rivadas cun ina persvasiun che conquista mintga spazzi. En quest cas il spazzi dal Cinema Sil Plaz a Glion. Èn ellas dentant cineastas vairas u ha lur team cul num «Las Dus Da Vus» be la bucca gronda?
10 min

Stafla 1

Premiera mundiala – en l’emprima «game show» rumantscha spetga in duel tranter team giasts: Jasmin Bearth/Tajana Pfister ed il Team RTR: Marcus Petendi/Elias Tsoutsaios. Tgi «crasha» en l’emprima cursa e tgi ha la savida (betg) necessaria per dominar l’auter team? Han ils giasts insumma ina schanza encunter ils multitalents da RTR? Guardai sez!
9 min
En la segunda episoda da Battas vegni anc pli intensiv. Ils giasts èn Janic Sarott e Domenic Tissi, che sa numnan il «Team Spirit». In team ferm, clever e motivà per provocar a Marcus ed Elias. Han ils dus engiadinais dentant propi quai ch’i dovra per batter ils profis da RTR?
10 min
Ils «Gen Z Rizzlers» modests versus ils millennials 30+ schnorris da RTR. Tgi po decider l’episoda per sai? Ina decisiun cnappa ed in cumbat sur trais gieus, che pretenda tut dals candidats. A la fin po dentant be in team metter si la curuna da Battas.
10 min
Che David ed Alessandro han bunas schanzas era gia cler davent da l'entschatta. Las ambiziuns vesev'ins en fatscha. Ch'in da trais gieus vegn stritgà cumplettamain n’ha dentant nagin ditg ad els. Pertge che quai n'ha tuttina betg fatg ina differenza, vesais Vus en l'episoda probablamain la pli bletscha da Battas!
8 min
Atletica na porta betg bler sche l’inschign n’è betg avant maun. Quai ha in dals teams stuì emprender a moda brutala. Brutals èn quest’emna era ils gieus. Sut l’ensaina dal Big Air datti al lieu in’episoda speziala: cun rotaziuns, cupitgarolas, «kickflips», nums da trics e stars da pornografia (tge?!). Gie exact, il meglier miras sez, co ch’il team «Battibuogl» (Mugisha Nicolay e Flurin Schlegel) sa batta.
12 min
Seraina Caplazi e Mike Winzap èn levads la damaun las quatter a Portugal per returnar da las vacanzas ed ir sin via directa al Big Air Cuira. Là spetgava probablamain la pli gronda sfida da lur vita: batter il team RTR. Sco era al Big Air stevan il sport da freestyle e l’amur svelta en il center da l’episoda. Tgi ch’è a la fin daventà il meglier amant u la meglra atleta, sa be tgi che guarda l’episoda.
10 min
Las buccas èn grondas tar il team engiadinais «Verdüra al dente» (Tge num è quai???). Jon Andri Gaudenz e Ciril Marighetto han dentant emprendì svelt, che be cun discurrer n’èsi anc betg gudagnà. Per ina victoria sa ston ins far tschuf ils mauns e quai en la glera da Rehanau ed a la riva dal Rain.
8 min
Viviana ha tar l’annunzia per Battas RTR inditgà in talent per linguas e politica. Sia schumellina Arina, che cumbatta cun ella en il team «Soras dal 99’», na saveva quai dentant betg. Ella ha per la paja gia lavurà en ina biblioteca, uschè che las dus engiadinaisas da 25 onns portan en sasez premissas idealas per in’episoda BATTAS en la biblioteca. En sasez...
12 min
Per il grond final da l’emprima stafla BATTAS RTR èn Marcus ed Elias giasts a Rueun. Joris Tomaschett e Giovanni Damiano dal US Rueun beneventan Team RTR sin la plazza da ballape per curunar ils ultims victurs da quest’onn. I spetgan «frenaltis», pantomimas da ballapedists famus e culps libers. E - durant l’ultima episoda datti ina gronda surpraisa e premiera. Arbitra, tschivel d’entschatta!
12 min
19 s

Quai è «Battas RTR?!»

Emblidai Joko e Klaas! E quel da Raab ha gia mintgina e mintgin battì. Uss vali da batter RTR!
ConfiguraziunsAgidContact e propostaPodcastServetschs Dretgs
SRG SSRRTR Radiotelevisiun Svizra Rumantscha, succursala da la Societad svizra da radio e televisiun
SRFRSIRTSSWIPlay Suisse