Ir al cuntegn
Emissiuns
Live
Program TV
Tschertga
Tschertga
mussar tut
Serrar
Emprender cun RTR...
Minisguard
Tge fa in scrinari, ina lainaria?
Co fan ins ina mobiglia? Il «Minisguard» è stà sin visita tar la scrinaria Pichalain en la Val Müstair. Là avain nus guardà cun il mainafatschenta e sia glieud tge ch’i dovra tut per insumma pudair fabritgar ina mobiglia – saja quai ina stgaffa, ina maisa u ina sutga. Ed igl è cler: scrinarias e scrinaris lavuran mintgatant era cun il computer ed èn per part era mezs artists. Plinavant avain nus dà in sguard en la stanza d’exposiziun da la scrinaria, nua ch’ins chatta da tuttas sorts chaussas fatgas cun lain. Il «Minisguard» dat in sguard sin la professiun da scrinari.
11 min
Minisguard
Pertge dovran pumpiers in apparat da respiraziun?
Tge dovri per stizzar in fieu? Cura ch'els entran en acziun, lura quinta mintga secunda – ils pumpiers. Quai èn umens e dunnas, ch'èn pronts da ristgar bler per salvar persunas or da las flommas, ma era per impedir donns pli gronds vi da chasas e bajetgs. Per ch'in fieu possia vegnir stizzà cun success, dovri blers facturs che ston giugar perfetgamain ensemen: per exempel in bun equipament sco autos da pumpiers ed uders, ina gronda ed engaschada squadra da persunas voluntarias – e surtut dovri era curaschi. Nus essan stads preschents ad in exercizi communabel da plirs corps da pumpiers a Cunter. Nossa moderatura Ronja ha schizunt pudì gidar da stizzar in fieu.
12 min
Minisguard
Tge muntan las stailas tar ils hotels?
Ins pudess pensar ch’igl è in chastè. Ma igl è il grond hotel da tschintg stailas a Segl cun 140 chombras. 190 collavuraturas e collavuraturs emprovan d’ademplir quasi mintga giavisch als giasts. Il co-directur Patrick Dietrich e sia collavuratura Lara Donatz mussan ad Anna co quai funcziunescha. E tar l’emprendist Simon Gabriel emprenda Anna da faudar serviettas, da tegnair massa magiels en in maun u er co purtar endretg il tablar grond. A la fin dastga ella schizunt servir al directur – tgisa sche quai gartegia? E per tgi che ha mirveglias co quai è cun las stailas tar ils hotels – er quai declera il Minisguard.
11 min
Minisguard
Co crescha ina planta e pertge perdan las plantas la feglia?
Pertge stuain nus derscher plantas? Esser in il guaud è insatge da bellezza. Ins po vesair ina massa plantinas, plantas, animals e bulieus. Vitiers èsi simplamain recreativ: aria frestga e quietezza – almain il bler. En il guaud èsi numnadamain era da lavurar. Pertge che sch’ils selviculturs e las bostgeras na tgiran betg bain il guaud, po quai daventar privlus. Per exempel po lura ina planta veglia cupitgar sin la via ed en il mender cas blessar ina persuna. U ch’il guaud da schurmetg sur in vitg daventa memia vegl e n’è betg pli ferm avunda per proteger il vitg da bovas e lavinas, u ch’ina plantamalsauna infectescha tut ils auters. Perquai è la lavur da selviculturas e bostgers uschè impurtanta. Anna Selina Quinter ha visità ils lavurers da guaud a Tavau e guardà cun els, tge ch’in guaud saun è, co ch’ins po distinguer differentas plantas da guglias e co ch’ins derscha ina planta.
10 min
Minisguard
Pertge sgola in ballun cun aria chauda?
Probabel enconuschas ti in ballun plitost sco decoraziun d’ina festa d’anniversari – ma cun in ballun pon ins er ir en l’aria, cun in gigantic ballun d’aria chauda. Quai è mintga onn il cas durant l’emna da balluns d’aria chauda a Flem. Il Minisguard ha visità questa occurrenza e guardà tge ch’i dovra tut per pudair ir en l’aria cun in ballun. Il pilot Samuel Juon è sa preparà cun noss moderatur Gian Carlo per in sgol. Sch’els han la finala pudì sgular u betg, quai ha decidì l’aura.
11 min
Minisguard
Co funcziuna ina banca?
Emplenir la cassa cun ina massa munaida e purtar quella sin banca – quai han blers uffants gia fatg. Ma tge capita lura propi cun quests daners? Tge fa la banca cun quels? Il «Minisguard» vul respunder a questa dumonda e fa perquai il viadi dals daners. La cussegliadra da banca Lea Beer mussa a nus tge che capita cun ils daners e dat ina invista davos las culissas da la banca. La fin finala spetga schizunt ina surpraisa traglischanta nossa moderatura Anna Selina.
11 min
Minisguard
Co vegn ina chaussa schubregiada avant ch'ella vegn en il museum?
En il museum pon ins guardar ed era tutgar da tuttas sorts chaussas: Spadas vegliandras dal temp dals Romans e vaschella da crap, ma er chaussas pli novas sco in dals emprims tschitschapulvra u ina da las emprimas maschinas da mulscher ch’igl ha dà en il Grischun. Ronja ha chattà il vegl telefonin da sia tatta – anc in senza camera e cun tastas – e pensà che quel fiss segir insatge per il museum. Perquai va ella cun il vegl telefonin en il Museum retic a Cuira. Ed era sch’ella chatta svelt ina plazza per quel en il museum – èsi ina lunga via fin ch’il telefonin dastga lura propi vegnir exponì. Cun il directur dal museum, va Ronja er en il deposit sutterran cun passa 100’000 chaussas che tutgan al museum.
11 min
Minisguard
Tge è caries e co funcziuna ina radiologia?
Oz ha Noah in termin che po far vegnir gnervus in u l’auter uffant: la visita tar la dentista. Per Noah n’è quai dentant nagin problem. Durant la controlla guarda la dentista en bucca, dumbra ils dents e controllescha cun in pitschen spievel che tut saja en urden. Cun ses instruments spezials po la dentista era guardar, sch’in dent e ferm e saun. La dentista Eva declera dentant era co ch’ins po guardar tras in dent. Ed era sch’ils dents da Noah èn picobello – a la fin survegn el tuttina anc in pitschen tractament.
10 min
Minisguard
Co vegn l'aua schubregiada en la serenera?
Ir sin tualetta n’è betg fitg cumplitgà: far ses basegns, smatgar in nuf e zac è l’aua tschuffa davent. Ma per che quai saja pussaivel dovri in entir sistem da bischens ed er ina serenera. Il «Minisguard» ha guardà co che l’aua da la tualetta vegn puspè schubra ed ha perquai dà in sguard en la serenera da Raveras a Mustér. Pierino Bisquolm, il manader da la serenera, ha mussà quant cumplex ed impurtant ch’igl è da schubregiar l’aua.
12 min
Minisguard
Co funcziuna la rimnada e l'ardera da rument?
El tutga tar noss mintgadi sco l’aua da baiver u l’electricitad – il rument. Sch’il satg è plain, bittain nus quel en il moloc, en il container u en la chasetta da rument. Ma es era gia ta dumandada, nua ch’el va suenter? Per chattar ora quai ha Anna Selina Quinter accumpagnà ina tura cun il camiun da rument e visità il recicladi e la deponia a Rueun. En pli dain nus er in cuc en la gronda ardera a Trimmis. Al cumenzament toffa il rument pulit – a la fin returna el sco tschendra grischa e groppa sin la deponia.
11 min
Minisguard
Danunder vegn la fascinaziun per il campar?
Ir a campar è ina furma da far vacanzas fitg populara e quai en differentas furmas. La basa per campar è fitg simpla e senza grond luxus: la tenda. Ronja Muoth ha passentà ina notg sin il campadi Muglin a Müstair per chattar ora co ch’ins dorma il meglier sin in campadi. Nus pudain gia ussa tradir ch’i na dependa betg mo dal satg da durmir.
12 min
Minisguard
Co funcziuna il sport da lutga?
La lutga è in sport cun ina gronda tradiziun. Mo lutga n'è betg be sport mabain tutga er tar la cultura svizra. Simon Keller da Sevgein è fascinà da tut quai che ha da far cun lutga. Al Minisguard ha el mussà sia passiun e nus avain vulì savair co ch'ins daventa propi in lutgader u ina lutgadra. Uschia avain nus accumpagnà il "nausch" giuven tar in trenament cun il club da lutga da Flem.
12 min
Minisguard
Co far chaschiel da chaura?
In di sin l’alp da chauras Bellezza pastgiras en ils culms, giudair l’entir di en l’aria frestga ensemen cun ils animals – quai è bain ina bella vita sco chavrer u chavrera. Gea, quai è vair – ma i dat cunzunt er blera lavur. Tge ch’i dat tut da far sin l’alp da chauras davent da la damaun baud fin la saira tard – quai ha il «Minisguard» vulì savair. Perquai avain nus accumpagnà il chavrer Mario e la chavrera Regina, visità il signun Koni e gidà la pura Nadia da mulscher.
12 min
Minisguard
Chauns en servetsch - agid da noss amis
Chauns da terapia en chasa da tgira Sch’in animal è enturn nus, dat quai simplamain in bun sentiment. Quai han era differentas chasas da tgira constatà, perquai vivan uss a Vella persunas attempadas ensemen cun chauns da terapia. Co ch’ina tala convivenza guarda ora, tge ch’è sa midà en la chasa dapi ch’ils chauns Aika e Juna abitan là, e quant plaschair che las abitantas ed ils abitants han dals novs cumpogns, guardain nus en il «Minisguard». Pertge emprendan chauns uschè tgunsch? Chauns emprendan fitg gugent ed han grond plaschair da reglas. Ma pertge insumma? In chaun è in animal da gruppa e s’orientescha fitg vi d’in manader da gruppa, saja quai in chaun u in uman. Il «Minisguard» declera tge che l’emprender ha da far cun la gruppa e pertge ch’ins po betg mo educar, mabain er dressar in chaun. ------------------------------- Therapiehunde im Altersheim Ein Hund in der Nähe – das sorgt einfach für ein gutes Gefühl. Dies bestätigen auch verschiedene Pflegeheime, darunter jenes in Vella, wo ältere Menschen nun gemeinsam mit Therapiehunden leben. Die Hunde Aika und Juna sind mittlerweile feste Bewohner der Einrichtung und haben das Zusammenleben spürbar verändert. Wie sich der Alltag mit den Vierbeinern gestaltet, welche positiven Effekte sie auf die Bewohnerinnen und Bewohner haben und wie viel Freude sie bereiten, zeigt die Sendung «Minisguard». Wieso können Hunde so gut lernen? Ausserdem erklärt die Sendung, warum Hunde so schnell lernen. Als soziale Rudeltiere orientieren sie sich stark an einer Führungsperson – sei es ein Mensch oder ein anderer Hund. Der «Minisguard» beleuchtet, wie Lernen mit Gruppendynamik zusammenhängt und warum Hunde nicht nur erzogen, sondern auch gezielt trainiert werden können.
11 min
Minisguard
Daco è baiver aua uschè impurtant?
La via da l’aua da baiver – da la funtauna fin en tia spina a chasa Simplamain pudair avrir la spina ed emplenir tes magiel cun aua na sa chapescha betg da sasez, quai è in vair luxus. Il «Minisguard» ha vulì savair co che l’aua da baiver vegn propi da la funtauna en muntogna fin en la spina tar tai a chasa. Perquai avain nus visità il chau da las funtaunas da Mustér, Clau Dermon, e guardà tge lavur ch’i dovra, per che l’aua possia currer or da tia spina. --------------------------------------------------------------------------------------- Der Weg des Trinkwassers – von der Quelle bis zu Wasserhahn Einfach den Wasserhahn aufdrehen und ein Glas mit frischem Wasser füllen – das klingt ganz normal, oder? Aber das ist gar nicht so selbstverständlich – und ein echter Luxus. Die Kindersendung «Minisguard» wollte wissen, wie das Wasser eigentlich von der Quelle in den Bergen bis zu deinem Wasserhahn kommt. Dafür haben sie Clau Dermon besucht. Er ist der Brunnemeister in Disentis. Zusammen haben sie angeschaut, welche Arbeiten nötig sind, damit bei dir zu Hause Wasser aus dem Hahn fliessen kann.
12 min
Minisguard
Il «Minisguard» va a pestga
In Graubünden hat die Fischereisaison begonnen – und der «Minisguard» ist mit dabei. Maurin und Ramun aus Sent zeigen, was man zum Fischen braucht und nehmen uns mit auf einen frühen Angelausflug an den Fluss En. Ob am Ende eine Forelle auf dem Grill landet?
10 min
Minisguard
Tge surpraisas cuntegn mel? (Part 2)
Suenter che nus avain mussà co che avieuls fan mel, vai en il «Minisguard» da quest’emna per la dumonda: Co vegn il mel d’avieuls da la patgna en il magiel?
10 min
Minisguard
Pertge essan nus uschè dependents dad avieuls? (Part 1)
Mintga di che cumenza cun ina buna talgia-paun cun paintg e mel d’avieuls è in di che cumenza bain. Ma co fan ils avieuls insumma mel? E quanta lavur dovri per emplenir in glas?
11 min
Configuraziuns
Agid
Contact e proposta
Podcast
Servetschs
Dretgs
RTR Radiotelevisiun Svizra Rumantscha, succursala da la Societad svizra da radio e televisiun
SRF
RSI
RTS
SWI
Play Suisse
