Ir al cuntegn
Play RTR
  • Emissiuns
  • Live
  • Program TV

Aventura svizra

La seria «Aventura svizra» accumpogna sis persunas da differentas regiuns da la Svizra sin lur viadi dal punct il pli bass al punct il pli aut dal pajais

Episoda 1: Dal Lago Maggiore en la Val Maggia
Sport​

Episoda 1: Dal Lago Maggiore en la Val Maggia

Da las Inslas da Brissago vai cun il stand-up-paddle fin ad Ascona e suenter vinavant cun il velo da cursa tras la patria dal participant Fabian Sartori da Giumaglio TI, tras la Val Maggia. A l’entschatta na s’enconuschan las participantas ed ils participants betg. Sin viadi vegnan els dentant en discurs ed uschia creschan els pass per pass ensemen sco gruppa. Per las etappas che spetgan anc è numnadamain dumandada ina buna lavur da team.
42 min
Episoda 2: Sfidas sin duas rodas
Sport​

Episoda 2: Sfidas sin duas rodas

Sin via en il Vallais crescha il spiert da gruppa. Las participantas ed ils participants vegnan dumandads tant corporalmain sco era mentalmain. Fertant che Carmen Oberholzer e Victoria Buchli reflecteschan davart libertad e plans da vita, raquinta Phil Bucher da muments decisivs en sia vita. Ina pretensiusa descensiun cun mountainbike pretenda bler da la gruppa, avant che l’etappa mainia sur Ernen VS e Saas-Fee VS fin a la chamona Britannia.
42 min
Episoda 3: La prova en l'auta muntogna
Sport​

Episoda 3: La prova en l'auta muntogna

Suenter passa tschintg dis da viadi spetga l'ascensiun dal Allalinhorn cun 4027 meters e la passascha da raiver sur il Feechopf. Per Serge Grazioli è questa etappa spezialmain emoziunala: El vuless commemorar sin il piz ses figl defunct. Il medem mument serva l’etappa a las guidas ed als guids da muntogna sco impurtant test per valitar sch'ils participants èn pronts per la gronda finamira, il Piz da Dufour. Ina front da trid'aura annunziada procura per ulteriura malsegirtad.
42 min
Episoda 4: Sperar sin il Piz da Dufour
Sport​

Episoda 4: Sperar sin il Piz da Dufour

Ina midada da l'aura e l'absenza dal guid da muntogna Yannick Glatthard sforzan la gruppa da reponderar lur plans. L'ascensiun dal Piz da Dufour, situà sin 4634 m s.m., para l’emprim bunamain impussibla. Sin via vers la chamona Monte-Rosa nascha dentant nova speranza cura che la gruppa percorscha al fil dal piz fastizs d'autras alpinistas e d'auters alpinists. Resta tuttina anc ina schanza da cuntanscher il punct il pli aut da la Svizra?
43 min
ConfiguraziunsAgidContact e propostaPodcastServetschs Dretgs
SRG SSRRTR Radiotelevisiun Svizra Rumantscha, succursala da la Societad svizra da radio e televisiun
SRFRSIRTSSWIPlay Suisse