Moviment en las muntognas – daventi privlus?
Sbuvaditschs, bovas e crudada da crappa fatschentan pli e pli la populaziun. Ma quant grond è il privel propi? Tgi valitescha ils ristgs e tgi porta la responsabladad? Ils «Cuntrasts» accumpognan persunas dal fatg e persunas pertutgadas en l’Engiadina Bassa ed en Surselva per sclerir ils motivs, ils ristgs ed il tractament da privels da la natira. Privels da la natira tutgan da vegl ennà tar la vita en las Alps. Ma aura extrema, crudada da crappa e bovas – sco la bova da Blatten ed ils eveniments a Bondo – laschan daventar adina pli urgenta la dumonda davart la segirezza en il territori da muntogna. En l’Engiadina Bassa ed en Surselva vegn visibel co che cuntradas sa midan e tge sfidas che resultan da quest fatg per la populaziun, las autoritads e las persunas dal fatg. A maun d’exempels a Ftan, en Val S-charl, en Val Tuoi ed en Val Stussavgia mussa il film co che vegnan valitads ristgs e tge consequenzas che zonas da privel han per persunas pertutgadas. A medem temp vegni cler che la Svizra ha ina spessa rait per observar e dumagnar privels da la natira. Segirtad absoluta na datti dentant betg. Co tractar privels da la natira resta ina responsabladad cuminaivla dals posts spezialisads, da las autoritads e da la populaziun.
-------------------------------------------------------------------------------------------- Erdrutsche, Murgänge und Bergstürze beschäftigen die Bevölkerung zunehmend. Doch wie gross ist die Gefahr tatsächlich? Wer beurteilt die Risiken und wer trägt Verantwortung? Die Sendung «Cuntrasts» begleitet...
