Curdin Janett – il tüftler
En la gronda famiglia musicala dals Janetts e dals Fränzlis da Tschlin è Curdin Janett il «tüftler» – quel ch’è creativ ed en furma pir da dretg, cura ch’i dat restricziuns e ch’el sto arranschar e cumponer sin mesira e sin la secunda. Sco durant ils divers programs multimedials, nua ch’ils Fränzlis da Tschlin sunan sin tribuna era cun hosps musicals per la taila da film. Lura è il multi-instrumentalist – che ha studegià inschigner da maschinas a l’ETH avant ch’ir al conservatori – en ses element. Quai ves’ins fitg bain en il nov project multimedial «Waldhaus Variationen» cun musica à la carte per il Trio Janett ed il grandhotel che porta il Hotel Waldhaus a Segl sin la tribuna e la musica dals Fränzlis en il grandhotel. Pertge ch’el è in «tüftler» che ha plaschair da far surpraisinas musicalas e pertge che sias cumposiziuns da musica populara èn adina in zic schregas, quai tradescha el en il film documentar dals «Cuntrasts» da RTR: «Curdin Janett – il tüftler».
-------------------------------------------------------------------------------------------- Er ist der Tüftler in der musikalischen Grossfamilie Janett mit den Fränzlis da Tschlin und ihren musizierenden Verwandten und Gästen: Curdin Janett. Wenn die Vorgaben besonders eng sind und er auf die Seku...
