Iniziativa per il daner blut

En Svizra paja la glieud pli e pli savens senza daner contant, per exempel cun cartas da debit e da credit u cun apps da pajament. Tuttina vulan ils blers ch'il daner contant vegnia mantegnì sco med da pajament. Oz regla la lescha, che la Banca naziunala svizra garantescha il provediment cun daner contant e ch'il franc è la valuta svizra. L'iniziativa vul fixar la disponibladad dal daner contant ed il franc sco valuta svizra da nov en la Constituziun.