Mancanza da scolastAs
Esser scolastA è bain ina professiun impurtanta e bella? Tuttina ston ils manaders / las manadras da scola ir en schanuglias per pudair occupar las plazzas libras a moda cuntentaivla. Pertge è quai uschia? È questa professiun daventada uschè nunattractiva? Il team dals «Cuntrasts» ha visità manadras e manaders da scolas en differentas regiuns dal chantun per vegnir a savair co ch’i va per il mument cun lur incumbensa e cun tge sentiments ch’els guardan en il futur. En fitg bleras scolas èsi ina sfida d’occupar plazzas libras cun persunas d’instrucziun che han la scolaziun pedagogica necessaria. E questa situaziun daventa onn per onn pli acuta. Interessantamain n’han betg tut las scolas ils medems problems d’occupar plazzas ch’èn vegnidas libras. I dat lieus attractivs e main attractivs. Tge giavischs e tge resalvas ch’ils magisters e las magistras futuras han e tge pretaisas areguard lur lieu d’instrucziun preferì, avain nus dumandà studentas e students da la scola auta da pedagogia dal Grischun. A la scola primara da S-chanf avain nus vulì savair, sche la professiun da scolastA è daventada uschia nunattractiva? Na, è la clera resposta stada tar tut las magistras presentas. Anzi, esser scolastA è, respectivamain sa esser ina professiun da bellezza. Tge ch’è il recept da success a S-chanf, mussan ils «Cuntrasts» da dumengia proxima.
------------------------------------------------------------------------------------------- Lehrperson zu sein ist doch ein schöner und wichtiger Beruf?Trotzdem müssen sich Schulleiter und Schulleiterinnen auf die Knie werfen, um die freien Stellen zufriedenstellend zu besetzen. Wieso ist das so? I...
