En privel – la staziun intensiva d’uffants dal Grischun
Ils ins èn da Ftan, ils auters dal Tessin – e tuttina han els insatge cuminaivel. Sco geniturs han els stuì passentar dis e perfin mais be quitads per lur figlias sin la staziun intensiva per uffants. Nadine è naschida memia baud, Inglina ha gì in grev infect. Per las famiglias signifitga quai sur dis e mais in temp inquiet tranter la tema permanenta per la sanadad da lur uffants ed in mintgadi che vegn mess sin il chau. Che la staziun intensiva per uffants è en il Grischun, a Cuira, è stà in grond sustegn e levgiament per las famiglias. Ma precis questa spierta è en privel dapi passa in onn. Per incumbensa dals chantuns svizzers vegn dapi il 2009 concentrada la medischina autspezialisada en Svizra – e tar quella tutgan, tenor in gremi spezialisà, era la neonatologia, l’oncologia d’uffants e la traumatologia d’uffants sco ch’ella vegn purschida a l’Ospital chantunal dal Grischun. Senza quellas spartas na rendess la staziun intensiva per uffants betg, ha ditg l’ospital ed è ì sin las barricadas, accumpagnà da la politica grischuna e da passa 30’000 persunas che vulan mantegnair questas spiertas en il Grischun. Ils Cuntrasts rapportan dals cumbats – sin e per la staziun intensiva per uffants. Cumbats, che savessan schizunt purtar fritg.
------------------------------------------------------------------------------------------- Die einen sind aus Ftan, die anderen aus dem Tessin – und dennoch eint die beiden Elternpaare die Sorge um ihre Töchter auf der Kinderintensivstation. Nadine kam zu früh zur Welt, Inglina hatte einen schwere...
