Carlo Caduff – il ritmus sut la pel
El ha realisà il siemi da probablamain mintga giuven musicist: laschar tut da la vart per far nagut auter che musica – senza cumpromiss! Il giuven Tuatschin ha smess ses emprendissadi per daventar battarist. Suenter ses studi da battaria ha el mess tut sin ina charta, pachetà sias set chaussas ed è ì a Berlin. A l’entschatta ha Carlo anc lavurà sco tatuader e scolast da battaria. Pass per pass ha el fitgà pe en la scena da musica da la chapitala tudestga. Suenter lavurs da studio ed engaschaments sco battarist live cun numerusas bands sco Fil Bo Riva, Abay u era Sebastian Madsen ha Carlo survegnì il job sco battarist live tar la chantadura Zoe Wees. Quest engaschament è stà impurtant per sia carriera ed ha catapultà el dad ina tribuna gronda a la proxima. La stad passada ha il battarist tuatschin sunà a festivals da renum sco Moon & Stars a Locarno, Deichbrand u era Lollapalooza a Paris.
------------------------------------------------------------------------------------------- Er tat das, wovon wohl jeder junge Musiker träumt: Er liess alles stehen und liegen, um nichts anderes als Musik zu machen – ohne Kompromisse! Der junge Tavetscher brach seine Lehre ab, um Schlagzeuger zu we...
